主页 > 爱看IT >【自助餐放蛇起底组】买一送一 $99五星酒店Tea Buff

【自助餐放蛇起底组】买一送一 $99五星酒店Tea Buff

平时想食个下午茶自助餐,埋单起码$200一位,最近竟然发现,铜锣湾这个酒店Tea Buffet,价钱只需$198,仲要买一送一,除开即係每人$99(未连加一)!听落真係激抵,但质素点先?等小编搵埋同事,一齐潜入去试食。

虽然这个$198的二人同行优惠价只适用于星期一至五,但试食当日所见,非常爆场,职员仲话Booking已满,有部份想walk-in的客人都要失望而回。而且有不少食客都是拎住「食饭袋」的上班族,绝对有理由相信佢哋係无食lunch,留肚进击这个下午茶自助餐!

即睇有咩食!

自助餐区域都算大,两张大长檯,再加一个长吧檯位,非常企理。食物款式都算多,有轻食类的Salad Bar、手指三文治,还有新鲜烘热的欧陆包点,例如小牛角包、绿茶红豆酥卷等。要饱肚的,都有即蒸的点心、伊麵、荷叶饭、少量西式意粉、薄饼等。当中点心的款式都算多,虾饺、奶皇包、蒸粟米,就连烧卖都有分牛肉和猪肉两种,卖相都唔差。

【自助餐放蛇起底组】买一送一 $99五星酒店Tea Buff
试食当日全场full booking,食客好多都係酒店附近的上班族。
【自助餐放蛇起底组】买一送一 $99五星酒店Tea Buff
轻食之选有Salad Bar,除了新鲜蔬菜,仲有已经拌好的薯仔沙律、红菜头沙律等。
【自助餐放蛇起底组】买一送一 $99五星酒店Tea Buff
不断出炉的欧陆麵包,充满牛油烘焙的香气。

试食之前,小编首先想讚一讚自助餐碟的设计,除了大小、颜色不同的圆碟,还有这款九格碟,正好可以将食物分开,避免沾上其他食物的汁酱及味道,砌得靓嘅话仲可以影相呃下Like,几好玩。

【自助餐放蛇起底组】买一送一 $99五星酒店Tea Buff
九格碟可以砌出唔同食物配搭,你睇同事砌得几丰富

好!真。试食时间!热食方面总算不错,点心够热辣辣,奶皇包馅料颇多,略嫌欠缺了蛋黄香,亦都无流沙效果,但总算香甜软滑;牛肉烧卖啖啖肉,有少少牛肉羶香,同事就唔太喜欢,不过牛魔王小编又觉得几好味。虾饺方面,皮就太厚,食落粉皮多过虾肉,如果可以改善埋就最Perfect。荷叶饭都好足料,够乾身之余,仲有大大粒虾乾,有嚼劲;西式Pasta酱汁的调味都恰到好处,总括而言都几满意。

【自助餐放蛇起底组】买一送一 $99五星酒店Tea Buff
奶皇包够晒热辣辣,馅料都几多,如果係流沙奶皇包就更Perfect喇!
【自助餐放蛇起底组】买一送一 $99五星酒店Tea Buff
点心摆晒于蒸笼中,都几受欢迎。
【自助餐放蛇起底组】买一送一 $99五星酒店Tea Buff
虾饺皮偏厚,令虾味变得淡而不够突出。
【自助餐放蛇起底组】买一送一 $99五星酒店Tea Buff
伊麵和荷叶饭煮得乾身,调味亦都适中,仲长期在发热板上保温,抵讚!

食食下发现自助餐区排长龙,原来係即叫即煮的港式车仔麵档,自助餐算少见喎!麵底有油麵、粗麵、幼麵、河粉、公仔麵;汤底都分猪骨汤和清鸡汤;最后拣埋餸菜配料,真係好似车仔麵档咁一格格,由上至下,左至加整齐咁排列好,款式仲够晒正宗地道,五香牛腩、猪皮、鱼蛋、萝蔔、鱿鱼、豆卜、冬菇、菜类,最重要係连猪大肠都有得食!你喺 自助餐 几时有见过呢啲街坊粗菜先?真係要讚这间酒店够大胆创新。配料仲要任选!小编太为食,嗌下嗌下足足拣咗成五、六款餸,平时出去麵档食,最多都係三餸,而且仲要任食任拣,抵食又好玩。

【自助餐放蛇起底组】买一送一 $99五星酒店Tea Buff
排队等嗌麵拣餸,真係怀念唔係画纸仔食车仔麵的岁月呀
【自助餐放蛇起底组】买一送一 $99五星酒店Tea Buff
成个车仔麵档的像真度都几高,係大厨比较斯文地煮麵。
【自助餐放蛇起底组】买一送一 $99五星酒店Tea Buff
留意返,除了车仔麵餸够地道,连食麵用既碗都係怀旧公鸡碗呀!

味道方面都唔差,表现中规中矩,零中伏。小编选的猪骨汤底不会过鹹,接近乳白色,饮落顺喉,亦无味精口渴感,有香醇的猪骨肉香。麵底的煮製时间掌握得好好,即使排晒长龙,师傅密密手煮麵、夹餸,煮出来的麵质依然弹牙,唔会过腍。配料必食五香牛腩同猪大肠!前者焖煮得够软嫩鬆化,入口即溶,伴带牛脂香气,劲有车仔麵风味;后者同样软滑入味,而且清洁得很乾净,完全无猪羶味,内里的肥膏脂肪唔算多,女仔食咗都唔怕肥。冬菇的菇香好突出,如果可以多返啲蚝油味就更好;鱼蛋都算大粒,有微微咖哩辣味;萝蔔都清甜无渣。这个车仔麵拍得住街边档,够怀旧够本土,用来作为整个 自助餐 的医肚环节,饱肚又满足。

【自助餐放蛇起底组】买一送一 $99五星酒店Tea Buff
车仔麵风味十足,仲可以任拣餸,全部拣晒都得呀!
【自助餐放蛇起底组】买一送一 $99五星酒店Tea Buff
猪大肠无怪味,肥膏唔算太多,有齐油脂肉香。

填饱咗正餐个胃,甜品胃又呼唤我出去搵食。有齐冷、热款式,小编就最锺意Apple Crumble,苹果够大粒,质感介乎腍身同爽口之间,肉桂味很浓郁芳香,面层的脆粒亦带丰富牛油香,酥脆美味,暖笠笠很香甜。另外仲有各式芝士蛋糕,包括美国芝士蛋糕、蓝莓芝士饼、海盐焦糖芝士蛋糕,以及Tiramisu等,其中Tiramisu最好味,咖啡香、酒香兼偏,芝士慕斯口感轻软,伴带湿润蛋糕,甜度适中,颇有层次。泡芙大粒又鬆软,内里的咖啡忌廉颇多,质感幼滑,好食。海盐焦糖芝士蛋糕就略为失色,面层并不是焦糖脆,而是啫喱状,食落亦感觉不到焦糖香,而且会和芝士蛋糕分离,层次顿失,扣咗少少分。但总括黎讲,这一round甜品都食得开心,属于酒店 自助餐 级数的靓甜品,女仔实啱!

【自助餐放蛇起底组】买一送一 $99五星酒店Tea Buff
见到咁多甜品,已经心心眼兼流晒口水,即刻拎个九格碟疯狂扫!
【自助餐放蛇起底组】买一送一 $99五星酒店Tea Buff
Apple Crumble苹果粒又多又甜,牛油脆粒鹹香有致,要encore!
【自助餐放蛇起底组】买一送一 $99五星酒店Tea Buff
Tiramisu都係必食之选,浓浓的咖啡配creamy芝士,层次丰富。
【自助餐放蛇起底组】买一送一 $99五星酒店Tea Buff
泡芙size大过乒乓球,外皮和馅的比例适中,啖啖都食到咖啡忌廉
【自助餐放蛇起底组】买一送一 $99五星酒店Tea Buff
海盐焦糖芝士蛋糕上的啫喱状焦糖未够香浓,口感亦不太讨好,若是脆皮的话会更好

总结:7.5 / 10

今次这个 自助餐 总算好满意,食物的种类都算多,由轻食的Salad Bar到饱肚的热食类、甜品都有齐,款式多样之余亦特别,未食之前行一转都觉得满意,食得过。尤其最锺意Live Station的怀旧港式车仔麵,有惊喜,够风味。食物质素都算高,爆场令大厨和职员Refill更快,食物更新鲜,某些食物略有缺点是 自助餐 少不免的,但大致上都不错,味道良好,会想再食的。而且$198买一送一的价钱是超抵食之选,大家不妨Lunch hour捱多阵肚饿,到3pm在这里来个下午茶all you can eat,值得一试!

Kudos

地址:铜锣湾礼顿道8号香港铜锣湾皇冠假日酒店1楼 (显示地图)

电话:3980 3000

下午茶自助餐供应时间:

星期一至五 3pm – 5pm

收费:

[由即日至4月4日]

优惠价 $198/位(可享买一送一优惠)大小同价

[4月5日起]

优惠价 $238(可享买一送一优惠)大小同价

备注: 收加一、收信用卡

相关推荐